سفر البنيان(Architecture)
العلاقه بين الانسان والمكان قديمه قدم الحياة نفسها وكمان بتشغل جزء كبير جدا من تفكيرى عشان كدا اهم مشاريع تصويرى بتهتم بالمكان والقسم دا موجود فيه صور لفنون العمازة المختلفة الموجودة فى مصر برؤيتى الخاصة ارجو انها تعجبكم
دى صور لمسجد ساريه الجبل(سليمان باشا) الموجود فى قلعه صلاح الدين بالقاهرة والمسجد دا بيعتبر اول مسجد اتبنى فى مصرعلى طراز المساجد العثمانيه ودا واضح اوى فى شكل المئذنة(رفيعة وطويله ومدببه عند القمة عامله زى القلم الرصاص)
دى فى جامع أحمد بن طولون
ودا بقى منظر خارجى لجامع السلطان حسن وكمان باين يمين الصورة جامع الرفاعى …. مسجد السلطان حسن دا أجمل بناء اسلامى فى العالم فعلا انا مشوفتش نسب متناسقة زى اللى موجودة فيه المسجد جميل جدا فعلا
ودا معبد ابو سمبل اجمل معابد رمسيس الثانى تخيلوا ان المبنى العملاق دا اتبنى من صخرة واحدة
ودى مسلات حتشبسوت الموجودة فى معبد الكرنك اللى على اليمين دى اطول مسلة فى مصر…حتشبسوت كانت عايزة تبنيهم من الدهب لكنها اكتفت بتغطية قممهم بالدهب واللى مش موجود الوقت طبعا تخيلوا روعة البناء ودقة التصميم وصموده عبر الزمن تعرفوا ان المسلتين دول اتعملوا من حجر اسوان واتنقلوا فى مراكب عشان يستقروا فى معبد الكرنك اعظم معبد فى العالم
ودى مئذنة جامع احمد بن طولون …..سلالم المئذنة دى من بره زى مانتوا شايفين ودى حاجة مميزة جدا للمئذنة لان مفيش فى العالم مآذن بالشكل دا غير اتنين مئذنه مسجد أبى دلف فى سامراء بالعراق والمئذنة دى
ودا مثال للبنيان فى العصر الحديث ……. بوابات السد العالى اكبر مشروع بنيه تحتيه فى العالم وقتها ……المشروع الضخم اللى كان رمز لصمود وشموخ وتحدى مصر وقتها واللى شاركت روسيا فى بنائه مع مصر ومش هينفع اقولكوا كم الفوايد اللى عادت على مصر من السد العالى لانها عايزه وقت طوييييييييل
ودى ميضأة ومئذنة جامع السلطان حسن
ودى قلعة واحد كان بانيها بالرمل على شط البحر عجبتنى اوى وكأنها حقيقية
ودى صورة مش ممكن تلاقى زيها الا فى مصر المكان الوحيد اللى بتتقابل فيه الحضارات وتعيش مع بعض فى سلام وتآلف دى مئذنة مسجد ابو الحجاج اللى اتبنى فى عهد المماليك فوق معبد الاقصر اللى كان مغمور ومتغطى بطمى النيل وقتها وفضل المسجد من يوميها أثر فوق أثر … حضارة فوق حضارة المسلة والمئذنة مش بقولكم هى دى مصر
جويلية 27, 2007 عند 9:16 |
good photo ya m3alem
جويلية 29, 2007 عند 9:16 |
through ur photos u take me in a journey of greatness
أوت 5, 2007 عند 9:16 |
كنت عايزك تخلى المدونه دى اسلاميات مثلا كتصنيف
أفريل 23, 2008 عند 9:16 |
عندى صور قديمة جدا لكل هذة الاثار وغيرها من المناطق الاثرية بالقاهرة والاقاليم اتمنى تراسلونى من اجل ان ننهض بهذا الموقع ليسعد بة كافة المشاركين محمد حسن المجلس الاعلى للاثار المصرية
أفريل 26, 2008 عند 9:16 |
أنا سعيد لإهتمامك بنشر الصور دى
هى جميله جداً ونقائها عالى
أنا دارس للأثآر الإسلاميه وممكن أمدك بصور كتيره جداً لأماكن جميله
بس ازاى؟؟؟
جانفي 18, 2009 عند 9:16 |
الصور تعتبر غايه في الروعه ,,,
و انا مستغرب من ميولك المعماريه .. و دراستك طب الاسنان…
انت انسان جدير بالاهتمام ,,, و فقك الله و رعاك ,,
دمت بخير …..
مارس 25, 2009 عند 9:16 |
السلام عليكم (هذة الصور فى غاية الروعة والجمال وأنها تفيد الإنسان فى معر فة التاريخ والعالم القديم وشكرا والسلام عليكم ورحمة الله وبركاتة)
أفريل 7, 2009 عند 9:16 |
ان الحضارة الاسلامية يجب أن تدرس جيدا فى المؤسسات التعليمية المختلفة لكى يعرف العالم من هم المسلمون وما هى حضاراتهم.
لدى معلومات كثيرة جداعن الاثار الاسلامية ممكن أقدمها لمن أراد أن يحصل على معلومات فى هذا الفرع الهام من الحضارة الانسانية.
ماي 25, 2011 عند 9:16 |
بسم الله الرحمن الرحيم
الحفاظ علي حضارة مصر واجب حضاري وانساني
معماريا وصور تذكاريه للراغبين علي التعرف وتوسيع المدارك والهويه
رجب النجولي
فرانكفورت
جانفي 3, 2016 عند 9:16 |
معلومات جيده ومهمه جدا للأجيال